|
Oljedirektoratet skal i samsvar med dette motta varsel og rapport om hendingar og andre tilhøve som fører til nedstenging, reduksjon av utvinning av petroleum eller påverkar gjennomføring av aktivitetar i tråd med vedtak fatta i medhald av loven og forskrifta.
Føresegna omfattar i første rekke tilhøve som har verknad for utvinning og leveranseevne av petroleum både for offshore- og landanlegg innanfor petroleumsloven sitt virkeområde. Som sektorforvaltarar har OED og OD eit informasjonsbehov som omfattar alle deler av petroleumsverksemda. Dette er knytt til ansvar for informasjon til eigne og andre land sine myndigheiter.
Varslingsplikta etter petroleumsforskrifta paragraf 79a gjeld ikkje tilhøve som alt er varsla til Petroleumstilsynet i medhald av forskrift om materiale og opplysningar i petroleumsverksemda (opplysningspliktforskrifta) paragraf 11. Petroleumstilsynet vil i slike høve omgåande varsle Oljedirektoratet.
Varsling og rapportering til OD vil då i hovudsak gjelde følgjande tilhøve:
Leiteboring
Operatør skal varsle OD ved uforutsette hendingar i samband med leiteboring. Spesielt gjeld dette tilhøve som kan påverke gjennomføring av planlagt aktivitet i tråd med vedtak. Det tenkast her særleg på problem knytt til gjennomføring av aktiviteten i høve til tidsramme, datainnsamlingsprogram, boremål og eventuell testing.
Produksjon
Det kan oppstå situasjonar som har innverknad på produksjonen, men som ikkje er varslingspliktig etter opplysningspliktforskrifta. For slike situasjonar skal derfor operatørane for felt, transportsystem og landanlegg varsle OD. Dette omfattar utilsikta endringar i produksjon eller nedstengingar på eiga innretning, inklusive røyrleidningar og landanlegg, eventuelt andre stader i produksjons- eller transportkjeda som påverkar leveransane av petroleum. Planlagt revisjonsstans omfattast ikkje av denne varslingsordninga.
Varsling
Operatør skal snarast varsle OD om hendingar og andre tilhøve knytta til:
- Innretningar - full nedstenging utover eitt døgn eller forventa leveransesvikt over 15 mill Sm3 gass eller 15 000 Sm3 olje og kondensat
- Sentrale knutepunkt
- Landanlegg
- Leiteboring
Varsling skjer til OD sin vakttelefon (sjå skjema) med etterfølgjande stadfesting via e-post til OD sin beredskapsvakt.
Ved all varsling skal operatøren gi følgjande informasjon:
- Feltnamn / innretning / namn på anlegg
- Skildring av hendinga
- Konsekvens for produksjonen
- Estimert varigheit av utsett produksjon
- Konsekvens for gjennomføring av leiteboring, datainnsamling m.v.
- Kontaktpunkt hos operatøren.
Rapportering
Når situasjonen er normalisert, skal operatør sende rapport med følgjande informasjon til OD sin beredskapsvakt.
Feltnamn / innretning / namn på anlegg
- Skildring av hendinga og utbetrande tiltak
- Faktisk konsekvens for leveransane og moglege konsekvensar for vidare drift
- Faktisk konsekvens for leiteboringa, datainnsamlingsprogrammet m.v.
Det blir vist til brev sendt til operatørselskapa 7.3.2006, referanse OD 06/237.
Kontaktpersonar i OD:
Trond Gjertsen, telefon 51 87 64 85
Ellen Hagelsteen, telefon 51 87 64 01
|