	The NPD's Fact-pages
	Generated 10.03.2010

Felt: ORMEN LANGE

Utbyggingsløysing

Ormen Lange er eit gassfelt som ligg i Mørebassenget i den sørlege delen av Norskehavet. Havdjupet i området varierer frå 800 - 1 100 meter. Det store havdjupet har gjort utbygginga svært utfordrande og har ført til utvikling av ny teknologi. Feltet blir bygt ut i fleire fasar med 24 brønnar frå tre havbotnrammer.

Reservoar

Hovudreservoaret er i sandstein av paleocen alder tilhøyrande Eggaformasjonen, og ligg 2 700 – 2 900 meter under havflata.

Utvinningsstrategi

Utvinningsstrategien baserer seg på produksjon ved trykkavlasting og seinare gasskompresjon.

Transportløysing

Den ubehandla brønnstraumen, som inneheld gass og kondensat, blir ført gjennom to fleirfaserørleidningar til landanlegget på Nyhamna. Der blir gassen tørka og komprimert før han blir send i gasseksportrøret, Langeled, via Sleipner R til Storbritannia.

Status

Gassproduksjonen starta frå tre brønnar i september 2007. A/S Norske Shell overtok som operatør frå StatoilHydro 1 november 2007. Feltet produserer med seks brønnar etter at tre nye brønnar blei ferdige i 3. kvartal 2008. Anlegget på Nyhamna kan nå produsera for fullt. Ei tredje havbotnramme vil bli installert i 2009.