	The NPD's Fact-pages
	Generated 11.02.2012

Shutdown of NPDs FactPages version 1 has be postphoned to March 2012.
Start using FactPages version 2 now! See also FactPages version 2 Quick Reference'
If you have any questions or comments please send an e-mail to FactWEB@npd.no.

Felt: STATFJORD

Utbyggingsløysing

Statfjord er eit oljefelt som ligg på begge sider av grenselinja mellom norsk og britisk kontinentalsokkel i Tampenområdet. Havdjupet er om lag 150 meter. Feltet er bygt ut med tre fullt integrerte innretningar; Statfjord A, Statfjord B og Statfjord C. Statfjord A er plassert sentralt på feltet, og kom i produksjon i 1979. Statfjord B er plassert på den sørlege delen av feltet, og kom i produksjon i 1982. Statfjord C er plassert på den nordlege delen av feltet, og kom i produksjon i 1985. Statfjord B og Statfjord C har lik konstruksjon. Satellittfelta til Statfjord (Statfjord Øst, Statfjord Nord og Sygna) har ein eigen innløpsseparator på Statfjord C. PUD for Statfjord Seinfase blei godkjend 08.06.2005.

Reservoar

Statfjordreservoara ligg på 2 500 – 3 000 meters djup i ei stor forkastingsblokk med fall mot vest og mange mindre forkastingsblokker langs austflanken. Reservoara er i sandstein i Brentgruppa, Cook- og Statfjord-formasjonane av jura alder. Brentgruppa og Statfjordformasjonen har svært god reservoarkvalitet.

Utvinningsstrategi

Statfjord har opphavleg produsert med trykkstøtte frå alternerande vass- og gassinjeksjon (VAG), vassinjeksjon og delvis gassinjeksjon. Statfjord Seinfase inneber at all injeksjon no er stansa, og feltet produserer med trykkavlasting for å frigjere gass frå attverande olje. Nedblåsing av reservoartrykket i Brentgruppa tok til hausten 2008. Statfjord Seinfase er venta å gje lengre levetid for feltet og auke utvinninga av både gass og olje.

Transportløysing

Stabilisert olje blir lagra i lagerceller på kvar innretning. Olja blir lasta via eit av dei to oljelastingssystema på feltet. Frå 2007 har gasseksporten gått gjennom Tampen Link, som går via Far North Liquids and Associated Gas System (FLAGS) til Storbritannia. Dei britiske rettshavarane tek ut sin del av gassen gjennom rørleidningen FLAGS frå Statfjord B til St. Fergus i Skottland.

Status

Som ein del av Statfjord Seinfase blir innretningane modifiserte, samtidig med at det i 2010 blei bora og reparert brønnar. Det er planlagt å bore 60 nye olje-, vass- og gassbrønnar i løpet av Statfjord Seinfase. I slutten av september 2010 var 39 av dei bora og kompletterte. Den første brønnen med kunstig lyft er planlagt bora og komplettert i 2011.