	The NPD's Fact-pages
	Generated 11.02.2012

Shutdown of NPDs FactPages version 1 has be postphoned to March 2012.
Start using FactPages version 2 now! See also FactPages version 2 Quick Reference'
If you have any questions or comments please send an e-mail to FactWEB@npd.no.

Felt: VISUND

Utbyggingsløysing

Visund er eit oljefelt som ligg aust for Snorrefeltet i den nordlege delen av Nordsjøen. Utbyggingsløysinga omfattar ei halvt nedsenkbar integrert bustad-, bore- og prosessinnretning i stål (Visund A). Havdjupet er om lag 335 meter ved Visund A. PUD for gasseksport blei godkjend 04.10.2002. Den nordlege delen av Visund er bygd ut med ei innretning på havbotnen, om lag ti kilometer nord for Visund A, men denne har vore stengd ned sidan 2006.

Reservoar

Visund inneheld olje og gass i fleire skråstilte forkastingsblokker med ulike trykk- og væskesystem. Reservoara er i sandstein i Brentgruppa av mellomjura alder og Statfjord- og Lundeformasjonane av tidlegjura og seintrias alder. Reservoara ligg på 2 900 – 3000 meters djup.

Utvinningsstrategi

Oljeutvinninga går føre seg ved hjelp av gassinjeksjon og alternerande vass- og gassinjeksjon (VAG). I eit av reservoara blir det òg injisert tilbake produsert vatn. Hausten 2005 begynte ein å eksportere delar av den produserte gassen.

Transportløysing

Olja går i rør til Gullfaks A. Der blir han lagra og skipa ut saman med olje frå Gullfaks. Gassen går til Kvitebjørn gassrørleidning og derifrå til Kollsnes, der NGL blir skild ut før gassen blir eksportert vidare til marknaden.

Status

Ei utfordring for Visund er å oppretthalde reservoartrykket og optimalisere oljeutvinninga før gasseksportnivået aukar. Funnet 34/8-13 A «Titan» kan bli knytt til ei ny utbygging av Visund Nord.