Boreløyve for brønn 1/3-13 i utvinningsløyve 970

02.06.2021 Oljedirektoratet har gitt OMV (Norge) AS boreløyve for brønn 1/3-13, jf. ressursforskrifta paragraf 13.

Brønn 1/3-13 skal borast frå boreinnretninga Maersk Integrator i posisjon 56°50'52,573"N og 02°44'26,335"A.

Boreprogrammet for brønn 1/3-13 gjeld boring av undersøkingsbrønn i utvinningsløyve 970. OMV (Norge) AS er operatør med ein del på 60 prosent.

Dei andre rettshavarane er Petoro AS (20 prosent) og Neptune Energy Norge AS (20 prosent).

Arealet i dette løyvet består av del av blokk 1/3.

Brønnen blir bora om lag 6 kilometer sør for Oselvarfeltet og 25 kilometer sør for Ulafeltet.

Utvinningsløyve 970 vart delt ut 01.03.2019 (TFO2018). Dette er den første leitebrønnen som blir bora i løyvet.

Løyvet føreset at dei andre løyva og samtykka krevd av andre myndigheiter er gitt før boreaktiviteten startar.

Kart som viser hvor brønn1/3-13 er lokalisert

Kontakt
Per Henning Sæle

Tlf: +47 51 87 64 52

Oppdatert: 02.06.2021